以下為整合之商家資料：

【餐廳種類】粵菜 (廣東), 港式：點心, 中式包點

【只屬傳言】
網友報料指： 去開觀塘做嘢, 行過敬業街, 見到有間點心鋪諗住入去試吓。入到餐廳, 員工淨係掛住傾計都冇幫手帶過位, 咁唯有自己揀個位坐低。揀咗個雞翼米線 奶皇包 同埋蝦餃, 等緊食物嘅時候, 聽到有幾個員工喺度講緊今朝西灣河手足中槍單新聞, 其中一個就話 ”抵死呀, 如果唔係呢班細路搞事, 人哋又點會開槍射你啊！啱呀, 捉晒搞事個班就啱嫁啦。今日又話搞咩罷工, 搞到今朝返工嗰陣塞咗半個鐘車” 聽聽下, 我都忍唔住同個夥計講, ”你知唔知呢班手足係為香港爭取緊未來, 佢哋咁做, 都係因為政府漠視我哋嘅訴求！” 另一個夥計就話 “我唔覺得香港而家有咩問題喎, 個問題就係, 一日到黑你哋呢班人淨係識得出嚟示威 搞事, 冇L用㗎！人哋講嘅嘢唔啱聽, 你班友仔就話要咩私了人哋！啱呀, 咁鍾意私了人哋, 抵你哋七月嗰陣係元朗俾人打咖” 講到咁上下啲嘢食都嚟, 先講個雞翼米線, 一食落去就知啲雞翼係用千年油炸, 隻雞翼望落去黑蚊蚊, 啲米線都未煮好, 好似鐵線咁硬。蝦餃食落去個心仲係凍凍地嘅, 同個夥計講諗住拎返入去再翻蒸下, 佢嘅態度好似愛理不理咁樣。